US Open 2024: Baýrak gaznasy rekord derejeli bolar, Nadal ýaryşy sypdyrar

  • 08.08.2024 20:59
  • 2.6k+

ABŞ-nyň tennis boýunça Açyk çempionatynyň umumy baýrak gaznasy 2024-nji ýylda rekord 75 mln dollara ýeter. Bu barada ýaryşyň resmi saýty habar berýär. Ýaryş 26-njy awgustdan 8-nji sentýabr aralygynda geçiriler.

Baýrak gaznasy geçen ýyl bilen deňeşdirilende 15% ýokarlandy. Ýeňijileriň her biri 3,6 mln dollar alar, bu 2023-nji ýyldakydan 20% köpdür. Ýekelikde esasy setkanyň birinji tapgyrynda utulanlar 100 müň dollar alar, bu bir ýyl ozalkydan 23% köpdür. Jübüt görnüşdäki ýaryşyň baýrak gaznasy 9% , garyşykda – 18% ýokarlanar.
Şunuň bilen birlikde, tennisçi Rafael Nadalyň “US Open 2024-e” gatnaşmajakdygy belli boldy. Ispaniýaly öz çözgüdini X sosial ulgamynda habar berdi.

“Öz 100% başarnygymy görkezip bilerin diýip pikir edemok. ABŞ-dan ähli muşdaklaryma minnetdarlyk bildirýärin, ýene bir gezek duşuşarys” – diýip, Nadal ýazdy. Karýerasynyň dowamynda türgen bu ýaryşda dört gezek ýeňiji boldy, “Uly tuwulga” ýaryşlarynda jemi 22 ýeňiş, şol sanda Fransiýanyň Açyk çempionatynda rekord 14 ýeňiş gazandy. 


düýn 10:36
1.9k+

ABŞ-da 2034-nji ýylda Ýutada geçiriljek Gyşky Olimpiýa Oýunlarynyň logotipi görkezildi

2034-nji ýylda Ýutada geçiriljek Gyşky Olimpiýa oýunlarynyň Guramaçylyk komiteti wagtlaýyn logotipi görkezdi. Bu logotip ABŞ-nyň hökümeti ünsüni 2028-nji ýylyň Olimpiýa oýunlaryndan 2034-nji ýylyň Oýunlaryna taýýarlyk görmäge doly gönükdirýänçä, 2029-njy ýyla çenli ulanylar...

25.11.2025 17:28
4.5k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...

23.11.2025 23:48
1.6k+

Werstappen Las-Wegasyň Gran-prisinde ýeňiji boldy, Norris we Piastri diskwalifikasiýa edildi

Dünýäniň dört gezek çempiony, “Red Bull” toparynyň sürüjisi Maks Werstappen “Formula-1” çempionatynyň Las-Wegasyň Gran-prisi tapgyrynyň ýeňijisi boldy. Bu ýeňiş onuň üçin karýerasynda 69-njy we häzirki möwsümde altynjy boldy...

21.11.2025 12:38
2k+

Tanymal tennisçi Rojer Federer Halkara tennis şöhrat zalyna giriziler

Şweýsariýaly Rojer Federer 2026-njy ýylda Halkara tennis şöhrat zalyna giriziler. Dabara 27-29-njy awgustda Nýuport amerikan şäherinde geçiriler diýip, guramanyň metbugat gullugy habar berdi. “Meniň üçin Halkara tennis şöhrat zalyna girmek we sportuň bu görnüşiniň köp sanly beýik çempionlarynyň ýanynda durmak uly hormat...