7-nji awgusta geçilen gije Los-Anjelesde MTV Video Music Awards (VMA) 2024 aýdym-saz baýragyna dalaşgärler yglan edildi. Nominasiýa sany boýunça lider Teýlor Swift (10) boldy. Bir ýyl öň hem Swift on bir nominasiýa bilen sanawda birinji orny eýeledi we dokuz kategoriýada ýeňiji boldy diýip, Billboard ýazýar.
Şu ýyl Teýlor Swift “Fortnight” kompozisiýasy üçin “Ýylyň artisti”, “Ýylyň aýdymy”, “Iň gowy kollaborasiýa” we “Ýylyň iň gowy wideosy” ýaly kategoriýalarda dalaşgär görkezildi. Ol öz klibini gurnandygy üçin “Iň gowy režissýor” kategoriýasynda dalaşgär görkezilen ýeke-täk zenan artist boldy.
Repçi Post Malone dokuz nominasiýada görkezildi. Üçünji orunda alty nominasiýa bilen repçi Eminem, aýdymçylar Sabrina Karpenter we Ariana Grande ýerleşdi.
Megan Thee Stallion bilen SZA-nyň her biri bäş, Lisanyň, Oliwiýa Rodrigonyň we Teddi Swimsiň bolsa her biri dört nominasiýa aldy.
MTV Video Music Awards (VMA) 2024-üň gowşurylyş dabarasy 10-njy sentýabrda Nýu-Ýorkdaky UBS Arena-da geçiriler we MTV telekanalynyň göni ýaýlymynda görkeziler. Ýeňijiler üçin ses berişlik eýýäm başlandy.
Esasy nominasiýalar:
Ýylyň artisti:
- Teýlor Swift
- Ariana Grande
- Bad Bunny
- Eminem
- Sabrina Karpenter
- SZA
Ýylyň wideosy:
- We Can't Be Friends (Wait for Your Love) — Ariana Grande
- Lunch — Billi Aýliş
- Paint The Town Red — Doja Cat
- Houdini — Eminem
- Snooze — SZA
- Fortnight — Teýlor Swift we Post Malone
Ýylyň aýdymy:
- Texas Hold 'Em — Beýonse
- Lovin On Me — Jek Harlou
- Not Like Us — Kendrik Lamar
- Espresso — Sabrina Karpenter
- Fortnight — Teýlor Swift we Post Malone
- Lose Control — Teddi Swims
Iň gowy täze artist
- Benson Bun
- Çappel Ron
- Greýsi Abrams
- Shaboozey
- Teddi Swims
- Tyla
Iň gowy rok-wideo:
- Legendary — Bon Jovi
- Feelslikeimfallinginlove — Coldplay
- Dilemma — Green Day
- Mustang — Kings of Leon
- Human — Lenni Krawis
- Atomic City — U2
