Ýaponiýanyň Toyota, Honda we Nissan awtoulag öndürijileri çalt ösýän Hytaý bazarynda kynçylyklar bilen ýüzbe-ýüz bolýarlar. Iýul aýynda bu kompaniýalaryň söwdasy ep-esli peseldi diýip, ITHome habar berýär.
Financial Associated Press-iň berýän maglumatlaryna görä, Hytaýda Toyota-nyň söwdasy bir ýyl ozalkysyndan 6,1 göterim peseldi we 143 400 birlige boldy. Honda 52 567 awtoulag satdy, bu bolsa geçen ýyl bilen deňeşdirilende 41,4 göterim azdyr. Şeýle hem, Nissan 47 102 sany ulag satmak bilen, geçen ýyl bilen deňeşdirilende, söwdasy 20,8 göterim pese gaçdy.
Bu pese gaçyşlyk birnäçe aý bäri dowam edýär. Toyota-nyň we Honda-nyň satuwlary yzly-yzyna alty aý bäri peselýär, Nissan-nyň söwdasy bolsa eýýäm dördülenji aý pese gaçýar. Ýapon kompaniýalary, esasanam, täze energiýa çeşmeleri bilen işleýän ulaglar segmentinde ýerli brendleriň basyşyna sezewar bolýarlar.
Ýapon brendleriniň konserwatiw bolmagynda galyp, tehnologiýa we şahsylaşdyrma has köp gadyr goýýan sarp edijileriň islegleriniň üýtgemegi bilen baglanyşykly, mesele hasam çuňlaşýar.
Ählumumy üpjünçilik zynjyryndaky meseleler we ýarymgeçirijileriň ýetmezçiligi goşmaça kynçylyklary döredýär, bu bolsa öz gezeginde önümçilige we satuwa öz täsirini ýetirýär.
