BMW Spartanburgdaky (Günorta Karolina, ABŞ) zawodynda Figure AI kompaniýasyndan Figure 02 gumanoid robotyny üstünlikli synagdan geçirdi.
IXBT portalynyň belleýşi ýaly, takyk we güýç talap edýän işleri ýerine ýetirmek üçin robotlar awtomobil zawodlarynda ençeme wagtdan bäri ulanylýar. Indi BMW has ösen modelleri bu işe çekmek mümkinçiligini barlaýar.
Figure 02 gumanoid robotynyň hereket erkinliginiň on alty derejesine eýe bolan eli we adamyňka barabar kuwwaty bar. Onuň BMW zawodyndaky işi aýratyn ýeserligi talap edýän we adamlar üçin ýadadyjy iş bolan şassi taýýarlamak prosesinde list metal detallaryny berkidijilere oturtmakdan ybaratdy.
Synaglaryň kömegi bilen BMW gumanoid robotlary önümçilik prosesine nähili girizmelidigine düşünmek we olary goşmak üçin zerur talaplary kesgitlemek isleýär. Figure 02 roboty synaglardan üstünlikli geçse-de, kompaniýanyň heniz gumanoid robotlary önümçilikde mundan beýläk-de ulanmak üçin takyk tertibi ýok.
