Lionsgate Television kompaniýasy “Jon Uik” franşizasynyň dowamynyň – serialyň üstünde işläp başlady. Taslama “John Wick: Under the High Table” (Jon Uik: Beýik stoluň aşagynda) adyny alar.
Serialyň sýužeti dördünji filmiň wakalaryndan soň ýaýbaňlanyp başlar. Munuň bilen ugurdaş Lionsgate franşizanyň bäşinji bölümini taýýarlamagy hem dowam etdirýär.
Deadline-yň maglumatlaryna görä, asyl filmlerde baş keşbi ýerine ýetiriji Kianu Riwz ekrana çykmaz, ol bu gezek taslama prodýuser hökmünde gatnaşar. Onuň bilen bilelikde prodýuserlik işini franşizanyň awtory Çed Stahelski ýerine ýetirer, ol synag bölümini sahna goýmak bilen hem meşgullanar. Serialyň ssenariýaçysy we döredijisi Robert Liwaýn boldy.
Täze filmde tomaşaçylar ýene jenaýat dünýäsiniň gahrymanlary bilen duşuşarlar. Ýatlap geçsek, “Jon Uik” franşizasynyň birinji filmi 2014-nji ýylda çykdy we dünýä prokatynda 1 mlrd dollardan gowrak girdeji ýygnady. Öň, Peacock strim-hyzmatynda Mel Gibsonyň baş keşbi ýerine ýetirmeginde “Kontinental” ady bilen spin-off çykdy.
