Akkumulýatorlary we özbaşdak energiýa çeşmelerini öndürýän EcoFlow kompaniýasy Gün panelleri oturdylan Power Hat şlýapasyny çykarandygyny habar berdi. Täze önüm açyk howada dynç alynýarka we syýahat wagtynda smartfonlara we beýleki enjamlara zarýad bermek üçin niýetlenendir.
Power Hat 12W güýji üpjün edýän we 3-4 sagadyň dowamynda 4000mAh akkumulýatorly smartfona zarýad berip bilýän monokristally kremniý paneller bilen enjamlaşdyrylandyr.
Şlýapanyň, IP65 standartyna laýyklykda, çygdan we tozandan goragy bar, şonuň üçin oňa ýagyş täsir edip bilmeýär. Ol iki ululykda elýeterdir: orta (56–58 sm) we uly (59–61 sm). Başgabyň yzky etek böleginde enjamlary birikdirmek üçin USB-A we USB-C portlary bar. Power Hatyň agramy 370 gram bolup, balyk tutmaga gidilende, kenarda dynç alnanda we syýahat wagtynda peýdaly bolar.
Power Hat-y 31-nji awgusta çenli öňünden sargyt edip bolýar, bahasy 79 dollar. Söwda nokatlaryna sentýabryň ortalarynda eltilip başlanar diýlip garaşylýar, bölek satuw bahasy - 129 dollar.
