Huawei kompaniýasy täze Children’s Watch 5 Pro Photochromic Colorful Edition akylly sagadyny hödürledi. Bu Huawei Watch 5 Pro-nyň çagalar üçin niýetlenen wersiýasydyr.
Modeliň esasy aýratynlygy, Gün şöhlesiniň täsirinde kümüş reňkden altyn reňke üýtgeýän fotohrom çarçuwasydyr.
Sagadyň gyzyl reňki, Marvel kino älemindäki “Demir adamyň” (Железный человек) egin-eşigini ýada salýar. Enjam 1,41 dýuýmlyk AMOLED ekrany, iki kamera (öň 2 MP we gapdal 5 MP), şeýle hem wideo jaňlary üçin mikrofonlar bilen üpjün edilendir.
Enjam Bluetooth, Wi-Fi we SIM kartalary goldaýar, bu bolsa ony özbaşdak ulanmaga mümkinçilik berýär. Enjamda giroskop, akselerometr, barometr we geomagnit sensory ýaly dürli görkezijiler, şeýle hem çaganyň ýerleşýän ýerini yzarlamaga mümkinçilik berýän emeli aňly nawigasiýa ulgamy bar.
Sagat IP68 standartyna laýyklykda goralýar – 800 mAs akkumulýator, plastik korpus we silikon gaýyş. Hytaýda täze önümiň bahasy 1148 ýuandan (takmynan 160 dollar) başlaýar.
