Apple-iň serwislerinden alan girdejisi ilkinji gezek beýleki önümlerinden has köp girdeji getirdi

  • 05.08.2024 12:46
  • 1.9k+

Apple kompaniýasy 2024-nji maliýe ýylynyň üçünji çärýegi üçin hasabat berdi.

Kupertinoly kompaniýanyň girdejisi 5% ýokarlanyp, 85,78 mlrd dollara ýetdi. Operasion girdeji bir ýyl ozalky 23 mlrd dollar bilen deňeşdirilende, 25,35 mlrd dollar boldy, arassa girdeji bolsa 19,88 mlrd dollardan 21,45 mlrd dollara çenli artdy diýip, IXBT habar berýär.
iPhone satuwy öňki derejesinden üýtgemedi diýen ýaly: geçen ýylky 39,669 mlrd dollar bilen deňeşdirilende, 39,296 mlrd dollar. Mac satuwy 6,84 mlrd dollardan 7 mlrd dollara çenli ýokarlandy, iPad satuwy bolsa 5,79 mlrd dollardan 7,16 mlrd dollara ýetip, uly ösüş görkezdi.
Ýöne dakylýan gurluşlaryň we öý elektronikasynyň, şeýle-de aksessuarlaryň satuwy 8,28 mlrd dollardan 8,1 mlrd dollara çenli azaldy.
Iň uly ösüşi Apple serwisleri görkezdi: olaryň girdejisi 21,2 mlrd dollardan 24,2 mlrd dollara çenli artdy. Kompaniýanyň taryhynda ilkinji gezek serwislerden gelen girdeji Apple-iň iPhone-dan başga ähli önümleriniň bilelikde getiren girdejisinden ýokary boldy.


19.04.2025 23:05
5.3k+

Apple Hytaýyň smartfon bazarynda bäşinji orna düşdi

2025-nji ýylyň birinji çärýeginde Hytaýda smartfon bazary 3,3% ösüp, 71,6 mln smartfona ýetdi. IDC-niň maglumatlaryna görä, ösüşe 810 dollara çenli bahadaky smartfonlar üçin döwlet ýeňillikleri we Hytaý Täze ýylynyň baýram edilen döwründe möwsümleýin isleg ýardam etdi...

17.04.2025 15:12
1.8k+

Apple I çärýekde smartfonlaryň bölek satuwy boýunça Samsung-dan öňe geçdi

Counterpoint Research kompaniýasynyň maglumatlaryna görä, Apple birinji çärýekde ilkinji gezek smartfonlaryň bölek satuwy boýunça öňdebaryjy boldy. Ol bazaryň 19%-ini eýeledi.   Kompaniýa iPhone smartfonlarynyň bölek satuw möçberini 4% artdyrdy, umumy smartfon bazary bolsa 3% ýokarlandy...

11.04.2025 16:13
5.4k+

Apple iň gymmat kompaniýa adyny gaýdyp aldy, Maskyň baýlygy bolsa bir günde 36 mlrd dollar artdy

9-njy aprelde Apple kompaniýasynyň paýnamalarynyň bahasy 15% ýokarlandy – bu 1998-nji ýyldan bäri iň uly bir günlük ösüş boldy. Muňa ABŞ-nyň Prezidenti Donald Trampyň Wýetnam, Hindistan we Tailand ýaly Apple kompaniýasynyň...

09.04.2025 16:15
4.2k+

Microsoft Apple-dan geçip, dünýäniň iň gymmat kompaniýasy adyny gaýtaryp aldy

Apple-yň paýnamalarynyň bahasynyň pese düşmegi, Microsoft-a dünýäniň iň gymmat kompaniýasy bolmaga mümkinçilik berdi. «CNBC-niň» maglumatlaryna görä, soňky dört söwda sessiýasynyň dowamynda Apple-yň paýnamalarynyň...