“Ýandeksiň” işgäri Aleksandr Krotow tarapyndan döredilen robot Rubigiň kubigini düzmegiň tizligi boýunça täze dünýä rekordyny goýdy diýip, Hi-tech Mail.ru habar berýär.
Gurluş bu ýumuşdan bary-ýogy 0,203 sekuntda baş çykaryp, Mitsubishi Electric Corp. ýapon kompaniýasyna degişli öňki rekorddan 0,102 sekunt tiz boldy.
Awtonom tehnikasy üçin hereketlendirijiler we oýun konsollary üçin kameralar ýaly elýeterli düzüm böleklerinden gurlan Krotowyň roboty üç tapgyrda işleýär. Ol 10 millisekuntda kameralaryň kömegi bilen kubigi seljerýär, 8 millisekuntda hereketi meýilleşdirýär we 184 millisekuntda kubigi düzýär.
Rekord üçin açar programma üpjünçiliginiň we draýwerleriň täzelenmegi boldy, bu robotyň ähli düzüm böleklerine bada-bat diýen ýaly täsirleşmäge mümkinçilik berdi.
Bu netije adam tarapyndan häzire çenli goýlan rekorddan ep-esli öňe geçýär. Adamlaryň arasynda spidkubing boýunça dünýä rekordynyň eýesi Maks Park kubigi 3,13 sekuntda düzdi.
