Bloger JerryRigEverything Samsung Galaxy Z Fold 6 smartfonyny çydamlylyk synagyndan geçirip, onuň çyzylmalara, eplenmä, çägä we oda garşy durnuklylygyny barlap gördi.
Smartfonyň iki displeýi hem çyzylmalara durnukly boldy: içerki ekranda Moos şkalasy boýunça gatylygy iki bolan guralyň täsiri astynda sypjyryklar peýda boldy, daşarky ekran bolsa diňe altynjy derejeli gurluşyň basyşyndan ejiz geldi.
Şarnir döwülmezden köp gezek eplenmä çydady.
Bloger içerki displeýe we smartfonyň şarnir epinine çäge guýup gördi. Ekrana zeper ýetmedi, ýöne şarnir epinine düşen çäge smartfon eplenende şygyrdy döretdi.
Synagyň dowamynda bloger içerki displeýe ot tutup gördi, birnäçe wagtdan soň ekranda ýaşylymtyl yz galdy, ýöne ol şonda-da işlemegini dowam etdi. Gurluşda Galaxy Z Fold 6-nyň içerki displeýiniň sag böleginde kiçiräk kertik peýda bolandan soň, kiçiräk alawlama ýüze çykdy.
Ahyrky netijede wideonyň awtory Samsung Galaxy Z Fold 6-nyň gündelik synaglara çydap bilýän berk gurluşdygy baradaky netijä geldi.
Ýatlap geçsek, Galaxy Z Fold 6 täzelenme ýygylygy 120 Gs bolan esasy 7,6 dýuým Dynamic AMOLED 2X displeýine we 6,3 dýuýmlyk daşarky ekrana eýe boldy. Akkumulýatoryň sygymy 4400 mA/sag. Gajetiň çykanyna bir aý töweregi boldy.
