Amerikaly gimnastikaçy Simona Baýlz alty gezek Olimpiýa çempiony boldy. 27 ýaşly türgen sport gimnastikasy boýunça şahsy köp görnüşli ýaryşda altyn medal gazandy.
Baýlz dört görnüş üçin 59,131 bal gazandy. Ol braziliýaly Rebeka Andradeden (57,932) tas 1,2 bal öňe geçdi. Üçünji amerikaly Sunisa Li boldy (56,465).
Bu Baýlz üçin Olimpiýa oýunlarynyň eýýäm altynjy we bu görnüşde ikinji altyn medal boldy – birinjisini Rio-2016-da alypdy. Şeýlelikde, ol 1968-nji ýyldan bäri köp görnüşli ýaryşda iki Olimpiýa titulyny gazanan ilkinji zenan boldy.
Mundan başga-da, amerikaly SSSR-den 30 ýaşly Mariýa Gorohowskaýa 1952-nji ýylda zenanlaryň arasynda ilkinji Olimpiýa köp görnüşli ýaryşynda ýeňiji bolanyndan bäri bu görnüşde iň uly ýaşly Olimpiýa çempiony boldy.
Oýunlar-2024-de Baýlz eýýäm toparlaýyn köp görnüşli ýaryşda altyn gazanypdy. Şol bir wagtyň özünde Simona heniz üstünligini has ýokarlandyryp biler, sebäbi 3 – 5-nji awgustda geçiriljek aýratyn snarýadlar boýunça ähli finallara gatnaşmaga hukuk gazandy.
