The Independent-iň habar bermegine görä, angliýaly bir maşgala 30 ýyllap şol bir sanlary bellemek bilen, lotereýada 1 million funt sterling utdy.
87 ýaşly Odri Kob we onuň üç çagasy Dewid (67 ýaşynda), Sandra (60 ýaşynda) we Kerol (55 ýaşynda) utuşy deň – hersi 250 000 funt sterlingden paýlaşarlar.
Uly ogly Dewid Kobb utuş barada aýaly Lindanyň ilkinji bolup bilendigini aýtdy. Ol 1 million funt sterling utandyklary baradaky habary görenden soň, bu barada adamsyna parahat äheňde gürrüň beripdir.
Dewid bu hoş habary paýlaşmak üçin derrew ejesiniň we uýalarynyň ýanyna barypdyr.
Ol: "Ejemize gowy habar bar, ony saňa we uýalaryma bilelikde aýtmak isleýärin diýdim, ýöne ol dessine: "Lotereýa utdukmy?” - diýip sorady welin, meýilnamam biraz üýtgedi. Bu ýolda biz birnäçe kiçiräk utuşlar hem gazanypdyk, ýöne uýalarymyň hersine 250 000 funt sterling berýändigimi aýdanymda, men iň gowy görülýän uly dogana öwrüldim. Aýratynam, birnäçe ýyl bäri kösenýän, indi hiç wagtam öz öýüm bolmaz diýip ruhdan düşüp ugran aýal doganym Kerol üçin bu ajaýyp pursat boldy […] Kerol ýaşaýyş jaý aladasynyň indi yzda galandygyny bilip, aglap goýberdi" – diýip, ol kişi gürrüň berdi.
