“Roma” futbol klubunyň ýolbaşçylary Rimiň häkimi Roberto Gualtýerini toparyň täze stadiony bilen resmi taýdan tanyşdyrdylar. Bu barada italýan klubunyň saýtynda habar berilýär.
Meýdançany Rimiň demirgazyk-gündogaryndaky Pýetralata sebitinde gurmak meýilleşdirilýär. Stadionyň taslamasy Ýewropada iň uly we iň giň janköýerler münberini göz öňünde tutýar.
“Romanyň” täze stadionynyň klubuň ýüzýyllygyna – 2027-nji ýyla çenli gurlup gutarylmagyna garaşylýar. Häzirki wagtda “Roma” we onuň esasy garşydaşy “Lasio” bir meýdançany – “Stadio Olimpikony” paýlaşýar. Bu stadion 72 müňden gowrak tomaşaçy üçin niýetlenendir.
