Apple kompaniýasy ABŞ-da we Kanadada iPhone-laryndaky 911 belgili gyssagly kömek gullugyna Emergency SOS Live Video funksiýalaryny girizip başlady. Täze funksiýanyň girizilmegi WWDC konferensiýasynda iOS 18-iň tanyşdyryş dabarasynda yglan edilipdi.
Bu funksiýa iPhone ulanyjylaryna 911 gullugyna wideo arkaly jaň etmäge mümkinçilik berer, bu bolsa dispetçerlere ýagdaýa çalt baha berip, has netijeli kömek bermäge mümkinçilik berer. Ozal Emergency SOS diňe sesli jaňlary amala aşyrmaga, SMS ugratmaga we ýerleşýän ýeriňi paýlaşmaga rugsat berýärdi.
Gyssagly kömek ulgamyna wideoaragatnaşygynyň girizilmegi Apple-iň ulanyjylarynyň howpsuzlygyny ýokarlandyrmak ugrundaky indiki ädimidir. iOS 18-iň şu ýylyň güýzünde köpçülige elýeterli bolmagyna garaşylýar.
