Şweýsariýanyň On kompaniýasy 3 minutda ýeňil krossowka döretmäge mümkinçilik berýän LightSpray tehnologiýasyny hödürledi. Taslamanyň awtorlary Hellouinde öýi bezemek üçin ýelimden nädip kerep ýasamalydygy barada wideo-sapakdan ylham alandyklaryny The Running Channel-e aýdyp berdiler.
LightSpray tehnologiýasy robot goluň kömegi bilen sapak ýaly materialy galyba salýar. Material termoeredijiniň kömegi bilen aýakgabyň dabanyna birikdirilýär.
Cloudboom Strike LS diýip atlandyrylýan krossowkalaryň agramy bary-ýogy 170g, bu bolsa bazardaky modelleriň köpüsinden ep-esli ýeňildir. Krossowkalar höwesjeňler tarapyndan synagdan geçirildi. Olar aýakgabyň materialynyň içinden ýüpegi ýada salýan ýokary dykyzlygyny belläp geçdiler.
On kompaniýasy bütin dünýädäki zawodlarda LightSpray tehnologiýasynyň kömegi bilen krossowkalary öndürmegi meýilleşdirýär. Komponentleriň iberilmezligi kömürturşy gazynyň zyňyndylaryny azaldar.
Cloudboom Strike LS-niň bir jübütiniň bahasy 330 dollar.
