Olimpiýa oýunlarynda ýeňiji bolup, diňe bir öz arzuwyny goraman, eýsem watanynyň abraýyny beýgelden türgenler öz ýurtlarynda uly pul möçberi, şeýle-de grant, ömürlik pensiýa, jaý ýaly baýraklar bilen sylaglanýarlar. Forbes neşiri aýry-aýry ýurtlaryň öz türgenlerini näderejede sylaglamaga taýýardygy barada habar berdi.
Şeýlelikde, Parižiň altyn Olimpiýa medaly üçin öz olimpiýaçylaryna iň uly baýragy Gonkong wada berýär - $768 müň. Deňeşdirmek üçin, ABŞ-dan Oýunlaryň çempiony diňe 37 müň dollara bil baglap biler.
Gonkongda kümüş medal üçin pul baýragy galan 32 ýurduň islendik biriniň altyn medal üçin tölemäge taýýar mukdaryndan hem köpdür - $380 müň. Eger Gonkongdan hiç bir türgen Parižde Olimpiýa münberine çykyp bilmese, olar üçin barybir tölegler göz öňünde tutulýar – 4-nji orun üçin $100 müň we 5 – 8-nji orunlar üçin tas $50 müň.
Altyn medal üçin pul sylagynyň möçberi boýunça ýurtlaryň ilkinji onlugy:
- Gonkong - $768 000
- Ysraýyl - $275 000
- Serbiýa - $218 000
- Malaýziýa - $214 000
- Italiýa - $196 000
- Moldowa - $171 000
- Latwiýa - $155 000
- Wengriýa - $154 000
- Bolgariýa - $139 000
- Ukraina - $125 000
Bir gezeklik töleglerden başga-da, köp ýurt çempionlar üçin stipendiýa ýaly bir zat hem hödürleýär. Malaýziýa we Bolgariýa altyn medal alanlara ömürlik her aýda $1 müň möçberde töleg tölemäge borçlanýar. Çili, Kosowo we Litwa hem şeýle tölegleri dört ýyl wada berýärler. Täze Zelandiýa indiki Olimpiýa oýunlaryna çenli ýylda $40 000 töleýär.
Polşa pul sylagyndan başga-da, türgenlere we tälimçilere “zehinli we hormatly” polşaly suratkeşiň suratlaryny, maýa goýum derejeli brilliant we syýahatçylyk agentliginden iki adamlyk syýahat berýär. Aýry-aýry sport görnüşlerinde çempion bolanlara Warşawada iki otagly jaý göz öňünde tutulýar.
Norwegiýa, Islandiýa we Şwesiýa ýaly käbir ýurtlar belli bir pul sylagyny wada bermeýärler, ýöne türgenlere grant berýärler. Käbir ýurtlar bolsa pensiýa, ýaşaýyş jaýy ýa-da saglyk ätiýaçlandyryşy ýaly goşmaça ýeňillikleri hödürleýär.
