Angliýada özüniň baý taryhy we 15 sany ýaşaýan ruh bilen belli bolan 2,4 g meýdany eýeleýän Dreýkiň adasy satuwa çykaryldy. Bu barada Sky News ýazýar.
Bu ada Plimutyň golaýynda ýerleşip, hususy suwa düşülýän kenary hem-de XVIII asyrdan galan harby ýaraglary bilen öwnüp bilýär.
Adanyň häzirki eýesi we ýerli işewür Morgan Fillipsiň aýtmagyna görä, adada iň gadymy jaý 1135-nji ýyla degişli hasaplanýar. Ada ýüzlerçe ýyllaryň dowamynda goranyş nokady bolup hyzmat edipdir we Angliýany Ispaniýanyň “Ýeňilmez armadasyndan” halas etmekde möhüm rol oýnan. Ada 1577-nji ýylda bu ýerden dünýä ýüzüne gämili syýahata ugran jenap Frensis Dreýkiň hormatyna atlandyrylypdyr.
15 sany ruhuň bolsa öňki harby adamlaryň ruhudygy we olaryň köp asyrlar bäri adany goraýandygy bellenilýär.
Adanyň bahasy aýdylmaýar, ýöne myhmanhananyň täzeden gurulmagyny öz içine alýan abatlaýyş işlerine çykdajylar 25 mln funt sterling bilen bahalandyrylýar. Täze eýesiniň adany toýlary we beýleki çäreleri geçirmek üçin meşhur ýere öwrüp biljekdigi bellenilýär.
