Eýranly hüjümçi Serdar Azmun karýerasyny BAE-den “Şabab Al-Ahli” klubunda dowam etdirer. Žurnalist Fabrisio Romano bu barada X sosial ulgamynda habar berdi.
Insaýderiň berýän habaryna görä, nemes kluby “Baýere” degişli 29 ýaşly futbolçy bu transfer bilen razylaşdy. Geleşigiň bahasy 5 million ýewro bolar.
29-njy iýulda, duşenbe güni Azmun Dubaýda lukmançylyk barlagyndan geçer.
Azmun geçen möwsümi Italiýanyň “Roma” toparynda kärendesine oýnady, 3 pökgi geçirip, 29 oýunda 4 asist berdi.
Oýunçynyň “Baýer” bilen şertnamasy 2027-nji ýylyň tomsuna çenli dowam edýär. Transfermarkt-iň baha bermegine görä, Azmunyň transfer bahasy 8 million ýewro.
