Lyst seljeriş platformasy 2024-nji ýylyň ikinji çärýeginiň jemi boýunça iň meşhur moda brendleriniň reýtingini hödürledi. Birinji orny Loewe ispan markasy eýeledi. Ol bu orundan Italiýanyň Miu Miu brendini gysyp çykardy.
Liderleriň üçlügine Prada hem girdi. Ilkinji bäşligi Saint Laurent we Bottega Veneta jemledi.
Reýtingde Versace bilen Balenciaga 2024-nji ýylyň birinji çärýegi bilen deňeşdirilende bir setir ýokary galyp, ösüş görkezdiler.
Resort moda görkezişi we Blackpink-den Jenni bilen hyzmatdaşlyk Jacquemus brendine sekizinji orny üpjün etdi.
Iň meşhur moda brendleriniň ilkinji onlugyna Moncler we Gucci hem girdi. Şeýle-de, bu sanawda Valentino, Skims, Burberry, New Balance, Louis Vuitton, The Row, Alaia, JW Anderson, Dolce & Gabbana we Coach brendleri bar.
