Baronessa Eluned Morgan Uelsiň Leýboristik partiýasynyň täze lideri hökmünde saýlandy we şonuň esasynda Birleşen Korollygyň bu administratiw-syýasy böleginiň birinji ministri bolar. Muny partiýanyň içinde geçirilen saýlawlaryň netijeleri delillendirýär diýip, TASS habar berýär.
57 ýaşly Morgan Uels leýboristlerine we ýerli hökümete ýolbaşçylyk etmek üçin ýeke-täk dalaşgär boldy. Öň, bu wezipeleri ýekeje aýal maşgala hem eýelemändi.
Morgan 15 ýyl Ýewropa parlamentinde Uelse wekilçilik etdi, 2011-nji ýylda bolsa Lordlar palatasyna bellenildi we Leýboristik partiýanyň hökümetinde Uelsiň işleri boýunça garaňky ministr wezipesini eýeledi. 2016-njy ýylda London parlamentini Uels parlamentine çalyşdy, 2021-nji ýylda Mark Dreýkfordyň sebit kabinetinde saglygy goraýyş ministr wezipesini eýeledi.
Uelsiň birinji ministri Woan Geting 16-njy iýulda wezipeden çekildi.
