Intel 13-nji we 14-nji nesil Core prosessorlary bilen baglanyşykly kemçilikleri düzetmek üçin patç döredýär

  • 25.07.2024 14:20
  • 2.5k+

Intel kompaniýasy 13-nji we 14-nji nesil Core prosessorlarynyň durnuksyz işlemegi bilen baglanyşykly kemçilikleriň çeşmesini tapandygyny mälim etdi. Näsazlyklaryň sebäbi, mikrokoddaky ýalňyşlyk sebäpli prosessora berlen nädogry tok güýji boldy.

Kompaniýa bu ýalňyşlyklary düzetmek üçin patç taýýarlady. Täzelenmeleriň synagy tamamlanandan soň awgust aýynyň ortalarynda olaryň köpçülikleýin ýaýradylmagy meýilleşdirilýär.
Intel kynçylyk çekýän ulanyjylaryna goldaw gullugyna ýüz tutmagy maslahat berýär.
Kompaniýa aprel aýynda köp sanly ulanyjylar tarapyndan bildirilen nägileliklerden soň bu kemçiliklerini ilkinji gezek boýun aldy.
Ondan öň Intel we enelik plato öndürijileri meseläni az-kem çözüp biljek BIOS täzelenmelerini hödürlediler. Şeýle-de bolsa, käbir ulanyjylar kynçylyk çekmäge dowam edýärdiler.
Alderon Games we Gamers Nexus ýaly oýun we enjam öndürijileri hem 13-nji we 14-nji nesil Intel prosessorlaryndaky kemçiliklere nägilelik bildirdiler. Alderon Games-iň esaslandyryjysy Metýu Kassells Intel-e iň soňky iş stoly we ykjam Intel prosessorlaryny yzyna çagyrmagy maslahat berdi.

şu gün 10:53
289

22 — 27-nji iýunda Ahal welaýatynda Medeniýet hepdeligi geçiriler

Me­de­ni­ýet we sun­gat iş­gär­le­ri­niň hem-de Mag­tym­gu­ly Py­ra­gy­nyň şyg­ry­ýet gü­ni my­na­sy­bet­li şu ýy­lyň 22 — 27-nji iýu­ny ara­ly­gyn­da Ahal we­la­ýa­tyn­da Me­de­ni­ýet hep­de­li­gi­ni ge­çir­mä­ge taý­ýar­lyk görülýär...

şu gün 09:50
438

Google, Spotify, ChatGPT we beýleki hyzmatlaryň işinde global näsazlyk ýüze çykdy

Downdetector platformasynyň maglumatlaryna görä, 12-nji iýun gijesi uly sanly hyzmatlaryň birnäçesiniň işinde giň gerimli näsazlyk ýüze çykdy. Ulanyjylar Google hyzmatlaryny – Cloud, Drive, Meet, Gmail, şeýle-de gözleg ulgamy we YouTube wideohostingini ulanmaga synanyşanlarynda kynçylyklar bilen ýüzbe-ýüz bolandyklaryny habar berdiler...

düýn 10:45
4.2k+

“Tanyş görünýär”: Samsung iOS 26-nyň täze funksiýalarynyň anonsy üçin Apple-i ýene ýaňsylady

Samsung-yň amerikan bölümçesi iOS 26-nyň tanyşdyrylyşyna seslenip, bäsdeşini ýene ýaňsylamak mümkinçiligini elden bermedi. WWDC 2025 konferensiýasynyň dowamynda Apple täzelenen operasion ulgamlary we emeli aňa esaslanýan täze funksiýalary hödürledi...

düýn 10:40
3.3k+

Hytaýda gök reňkli 131 santimetrlik Labubu gurjagy 1,08 mln ýuana satyldy

Hytaýda geçirilen ýazky “Ýunle” onlaýn auksionynda boýy 131 sm bolan gök plastik Labubu gurjagy 1,08 mln ýuana (takmynan, $150 müň) satyldy. Bu gurjak heýkeliniň şu görnüşde ýeke-täk nusgasydyr diýip, “Keçuanban žibao” neşiri ýazýar...