Parižde geçiriljek XXXIII tomusky Olimpiýa oýunlarynda Türkmenistana sportuň dört görnüşinde – dzýudo, agyr atletika, ýeňil atletika we suwda ýüzmek boýunça alty türgen wekilçilik eder.
Oýunlar 26-njy iýuldan 11-nji awgust aralygynda geçiriler. Ýaryşlara 200-den gowrak döwletden 10 000 töweregi türgen gatnaşar.
Sport dünýäsinde iň esasy wakalaryň biriniň öňüsyrasynda biz türkmen türgenleriniň Oýunlardaky çykyşlarynyň tertibini düzdük (wagt – Aşgabat wagty bilen).
Dzýudo:
- Serdar Rahymow (20 ýaş, 66 kg çenli) – 28-nji iýul (deslapky tapgyrlar – 13:00, ahyrky blok – 19:00)
- Maýsa Pardaýewa (19 ýaş, 57 kg çenli) – 29-njy iýul (deslapky tapgyrlar – 13:00, ahyrky blok – 19:00)
Suwda ýüzmek:
- Aýnura Primowa (17 ýaş, 100 m arkanlygyna) – 29-njy iýul (kwalifikasiýa – 14:00)
- Musa Žalaýew (21 ýaş, 100 m erkin usulda) – 30-njy iýul (kwalifikasiýa – 14:00)
Ýeňil atletika:
- Walentina Meredowa (39 ýaş, 100 m) – 2-nji awgust (deslapky tapgyr – 13:35)
Agyr atletika:
- Döwranbek Hasanbaýew (23 ýaş, 102 kg çenli) – 10-njy awgust (final – 14:30).
