“Tüweleý” filminiň sikweli betbagtçylyklar hakyndaky filmleriň taryhynda rekord başlangyç görkezdi

  • 23.07.2024 16:03
  • 8.2k+

19-njy iýulda “Tüweleý 2” (Iňlis: Twisters; beýleki bir ady: “Tüweleýler”) filminiň dünýäde ilkinji görkezilişi boldy. Ilkinji dynç günlerinde film ABŞ-da 80,5 million dollar gazandy - bu tebigy betbagtçylyklar hakyndaky ähli filmleriň arasynda iň gowy bad alyşdyr.

2004-nji ýyldan bäri bu žanrda rekordy Roland Emmerihiň “Birigün” ("The ay After Tomorrow", 68,4 million dollar) atly filmi eýeläp gelýärdi.
“Tüweleý 2” ABŞ-da 2024-nji ýylda diňe “Tapmaça 2-den” (154,2 million dollar) we “Dýuna 2-den” (82,5 million dollar) soň üçünji orny eýeledi.
Amerikanyň Birleşen Ştatlarynyň daşynda filmiň üstünlikleri o diýen ýokary bolmady: beýleki ýurtlarda kassa ýygymy 42,7 million dollar gazandy. Filmiň býujeti, marketingi hasaba almazdan, 155 million dollar boldy.
Film tupanda galan, tebigy hadysany öz ellerine almak we oňa garşy durmaga synanyşýan "awçylar" topary hakynda gürrüň berýär. Emma tüweleýleriň gerimi olaryň çaklamalaryndan has giň bolup, netijede olar aman galmak üçin göreşmeli bolýar.
Filmde baş keşplerde Glenn Pauell (Top Gan: Mawerik), Deýzi Edgar-Jons (Ruhy sag adamlar (“Нормальные люди”)) we Dewid Korenswet (Supermen: Miras) çykyş edýär. Filme “Minari” filmi bilen tanalýan Li Aýzek Çun režissýorlyk edip, “Oskar” we “Altyn globus” baýraklaryna dalaşgär görkezildi.
Asyl "Tüweleý" filmi 1996-njy ýylda çykdy we takmynan 495 million dollar gazandy.


düýn 12:49
751

Netflix «Kolonizatorlar» stol oýny esasynda filmleri we seriallary surata düşürer

Netflix meşhur stol oýny bolan «Kolonizatorlary» (Catan) ekranlaşdyrmaga degişli eksklýuziw hukuklary satyn aldy diýip, Deadline habar berýär. Şertnama laýyklykda, platforma oýun esasynda filmleri, multfilmleri we seriallary döretmegi meýilleşdirýär...

düýn 10:14
3.9k+

“Türmeden gaçyşlyk” serialy resmi taýdan gaýtadan surata düşüriler

Hulu akym hyzmaty meşhur serial bolan “Türmeden gaçyşlygyň” (Prison Break) — täze görnüşiniň üstünde işleýändigini resmi taýdan yglan etdi diýip, The Hollywood Reporter habar berýär. Täze taslama asyl serialdaky ýaly bir älemde geçer...

düýn 00:39
1.4k+

Lionsgate täze “Açlyk oýunlary: Orak möwsüminiň säheri” filmindäki keşp üçin muşdagy saýlady

Lionsgate kinostudiýasy “Açlyk oýunlary: Orak möwsüminiň säheri” (Голодные игры: Рассвет жатвы) filmi üçin açyk kastingiň ýeňijisini yglan etdi. Filme Floridadan aktýor we režissýor Dewon Singlteri gatnaşar. Ol Bleriň – Heýmitç Abernatiniň we Berd Ewerdiniň ýakyn dostunyň, Kitnissiň kakasynyň keşbini ýerine ýetirer...

düýn 00:28
4.5k+

Alymlar iň gorkunç 10 filmi aýtdylar

“Science of Scare” britan taslamasy iň gorkunç filmleriň täzelenen reýtingini hödürledi. Hünärmenler tomaşa wagty adamlaryň pulsuny ölçäp, haýsy horror filmleriň olarda uly gorky döredýändigini kesgitledi diýip, Forbes ýazýar...