19-njy iýulda Xiaomi täze önümleriniň uly tomusky tanyşdyrylyşyny geçirdi. Çäräni kompaniýanyň esaslandyryjysy Leý Szýun alyp bardy.
Tanyşdyrylyşda hödürlenen täzelikleriň biri-de dakylýan gurluşlaryň iki sany täze modeli boldy: Watch S4 Sport akylly sagady we Smart Band 9 fitnes-bilezigi.
Xiaomi Watch S4 Sport, adyndan görnüşi ýaly, türgenler üçin niýetlenýär. Sagat ýürek urgusyny, ganyň düzümindäki kislorodyň derejesini ölçemek üçin datçikler bilen üpjün edilendir we myşsalarda süýt kislotasynyň ýygnanma derejesini çaklamaga mümkinçilik berýän ýörite türgenleşik režimleri bar. Gurluş daýwerler üçin hem laýyk gelýär – ol 40 metre çenli çuňluga çydamlydyr.
- Dizaýn we materiallar: titan korpus, iň ýokary 2200 kd/kw.m ýagtylykly, 1,43 dýuým diametrli tegelek AMOLED ekrany, agramy 49 gram.
- Goşmaça mümkinçilikler: gurnalan GPS, smartfonsyz ulanmak üçin eSIM, 15 güne çenli awtonomlyk (eSIM bilen – 9 güne çenli).
- Baha: 275 dollar.
Xiaomi Smart Band 9 meşhur fitnes bileziginiň täze neslidir. Hytaýdan daşary bu gurluş Xiaomi Band 9 ady bilen çykyp biler. Model metal we ak keramika görnüşleri bilen täzelenen dizaýna eýe boldy. Ol bir zarýadda 21 güne çenli işläp bilýär.
Gurluşyň esasy üýtgeşmeleriniň biri dürli ýagdaýlarda ulanmak üçin 20 dürli režim bilen kämilleşdirilen wibrasiýa ulgamy boldy. Bilezik Just Dance oýnunyň hytaý wersiýasy bilen baglanyşyk üçin hem ulanylyp bilner.
·Funksiýalar: ýokary takyklykda uka (+7,9%) we ýürek ritmine (+16%) gözegçilik, 150-den gowrak türgenleşik režimi, 5 ATM suwdan goragy.
·Goşmaça mümkinçilikler: 60 Gs ýygylykly 1,62 dýuým OLED displeýi, Bluetooth 5.4.
·Baha: esasy görnüş – 34 dollar, NFC-li görnüş – 41 dollar, keramiki görnüş – 48 dollar.
