TNGIZT-niň golaýyndaky suwuklandyrylan gaz terminalynyň kuwwaty artdyrylýar

  • 20.07.2024 12:40
  • 10k+

“Türkmennebit” döwlet konserniniň Türkmenbaşydaky nebiti gaýtadan işleýän zawodlar toplumynyň suwuklandyrylan gazy saklaýan we ýükläp iberýän desgalarynyň kuwwaty artdyrylýar. Bu ugurda alnyp barylýan işler barada nebitgaz toplumy boýunça wise-premýer B.Amanow 19-njy iýulda Hökümet mejlisinde habar berdi.

Bellenilişi ýaly, zawodlar toplumy tarapyndan nebiti gaýtadan işlemegiň netijesinde, dürli görnüşli nebit önümleri bilen bir hatarda, suwuklandyrylan gaz hem öndürilýär. Ony saklamak hem-de sarp edijilere ýükläp ibermek üçin ýörite terminalyň hyzmatyndan peýdalanylýar. Bu desgalaryň kuwwatyny artdyrmak maksady bilen, Türkmenbaşydaky nebiti gaýtadan işleýän zawodlar toplumynyň golaýynda ýerleşýän, suwuklandyrylan gazy saklamak we ýükläp ibermek üçin niýetlenen terminaly giňeltmek, onuň kuwwatyny artdyrmak boýunça zerur işler alnyp barylýar.
Serdar Berdimuhamedow bu ugurda taýýarlanan teklibi goldap, wise-premýere degişli işleri geçirmegi tabşyrdy.


25.10.2025 14:25
4.4k+

CNPC «Galkynyş» käniniň 4-nji tapgyryny 2026-njy ýylyň başynda özleşdirmäge girişer

Hytaýyň nebitgaz korporasiýasy (CNPC), Türkmenistanyň iň iri tebigy gaz känleriniň biri bolan «Galkynyş» känini senagat taýdan özleşdirmegiň 4-nji tapgyryny 2026-njy ýylyň başlarynda başlamagy meýilleşdirýär. Bu barada «Türkmengaz» döwlet konserniniň başlygy Maksat Babaýew OGT 2025 halkara forumynda aýtdy...

23.10.2025 12:23
1.6k+

OGT-2025 halkara sergisiniň we maslahatynyň birinji gününiň netijeleri

22-nji oktýabrda Türkmenistanyň Söwda-senagat edarasynyň binasynda «Türkmengaz», «Türkmennebit» döwlet konsernleriniň guramagynda «Türkmenistanyň nebiti we gazy — 2025» atly XXX halkara maslahat we sergi öz işine başlady...

22.10.2025 10:24
5.4k+

Aşgabatda 30-njy gezek «Türkmenistanyň nebiti we gazy — 2025» atly halkara maslahat we sergi öz işine başlaýar

Aşgabat şäherinde «Türkmenistanyň nebiti we gazy — 2025» atly halkara maslahaty we sergi öz işine başlaýar. Şu mynasybetli foruma gatnaşyjylary Prezident Serdar Berdimuhamedow gutlady. Her ýyl geçirilmegi asylly...

19.10.2025 08:22
3.6k+

Euronews, Interfax we öňdebaryjy habar beriş serişdeleri OGT 2025-niň media hyzmatdaşlary boldy

«Türkmenistanyň nebiti we gazy – 2025» 30-njy halkara maslahaty we sergisi (OGT 2025) dünýäniň iri köpçülikleýin habar beriş serişdeleriniň goldawyny aldy. Çäräniň resmi media hyzmatdaşlarynyň hatarynda Euronews, BNE IntelliNews, Newsbase, Interfax, Energy Intelligence hem-de birnäçe öňdebaryjy Ýakyn Gündogar neşirleri bar...