Italiýanyň Eccentrica Cars kompaniýasy Lamborghini Diablo superkaryny gaýtadan dikeltmek taslamasynyň işläp taýýarlamagyň ahyrky tapgyrynda durandygyny tassyklady. Modelden jemi 19 nusga çykarylar, olaryň her biri 1,47 mln dollar baha bilen hödürlener.
Restomod täzelenen rul dolandyryşyna, döwrebap sürüjä kömek ulgamlaryna we kuwwaty 550 at güýji bolan (asyl nusgadaky 492-niň deregine) 5,7 litrlik V12 hereketlendirijisine eýe bolar.
Diablo Eccentrica tizligini sagatda 335 km çenli artdyryp bilýär (asyl nusgadan 10 km/sag köp) we tizligini sagatda 100 km çenli 3,8 sekuntda artdyrýar (asyl Diablo-nyň 4,1 sekunty bilen deňeşdirilende).
Lamborghini Diablo ilkinji gezek 1990-njy ýylda hödürlendi we markanyň tizligini sagatda 320 km-den gowrak artdyrmaga ukyply ilkinji awtomobili boldy. Model 2001-nji ýyla çenli çykaryldy, soň onuň ornuny Murciélago çalyşdy.
