OpenAI kompaniýasy GPT-3.5-iň ornuny eýelejek täze GPT-4o mini emeli aň modelini işe girizdi. Kompaniýa ony “häzirki günde elýeterli bolan iň funksional we ykdysady taýdan tygşytly kiçi model” hökmünde häsiýetlendirýär.
GPT-4o mini maý aýynda çykarylan GPT-4o-nyň bir görnüşidir. Ol 128 000 token kontekst penjiresini we 2023-nji ýylyň oktýabr aýyna çenli bilimleri hödürleýär. Täze model has elýeterli bahasy bilen tapawutlanýar: million giriş tokenleri üçin 15 sent we million çykyş tokenleri üçin 60 sent, bu öňki modellerden has arzandyr.
GPT-4o mini eýýäm ChatGPT ulanyjylary, şeýle-de ChatGPT Plus we Team abunaçylary üçin elýeterlidir. ChatGPT Enterprise ulanyjylary bu modelden indiki hepdeden peýdalanyp bilerler.
OpenAI geljekde modele şekilleri, wideolary we audiolary gaýtadan işlemek funksiýalaryny girizmegi göz öňünde tutýar.
