Möwsümleriň arasyndaky arakesmede “Barselona” we “Bawariýa” futbol klublary 2024/2025 möwsüminiň täze oýun egin-eşiklerini görkezdiler.
“Barselonanyň” Nike-dan bolan täze egin-eşigi futbol ägirdini gözbaşlaryna alyp gidýär.
“Barselona” futbol klubunyň taryhynyň 125 ýyllygy mynasybetli döredilen köýnekçeleriň dizaýny klubuň mirasyndan, taryhyndan we başlangyçlaryndan ylham aldy. Logotipiň esasy elementleri hökmünde gök we goýy gyzyl reňkleri ulanylyp, toparyň tutuş taryhyny görkezýän ýörite, üýtgeşik we simwoliki dizaýn döredildi.
Klubuň gözbaşyna hormat goýmak maksady bilen, nusga hökmünde 1899-njy ýylyň ilkinji topar egin-eşigi ulanyldy diýip, Katalon kluby beýan edýär.
“Bawariýa” bolsa, adidas kompaniýasy tarapyndan döredilen oýun egin-eşigini hödürledi. Onuň dizaýny, XIX asyrdan bäri Mýunheniň merkezinde duran Bawariýanyň bürünç heýkelinden ylham aldy.
Köýnekçe gara reňkde edilip, onda meşhur şäher ýadygärliginiň nagşy bar. Klubuň nyşany bürünç reňkinde edilendir.
