Samsung kompaniýasy Galaxy brendiniň Günorta Koreýanyň Tomorrow X Together (TXT) k-pop topary tarapyndan döredilen täze senasyny hödürledi. “Open Always Wins” kompozisiýasy brendiň esasy gymmatlygyny – açyklygy şöhlelendirýär we alternatiw rok stilinde ýerine ýetirilen diýip, RBK habar berýär.
Aýdym 18-nji iýulda Koreýanyň wagty bilen 13:00-da YouTube Music, Spotify ýaly ähli meşhur aýdym-saz platformalarynda çykdy. Klibe Samsung-yň resmi YouTube kanalynda tomaşa etmek bolýar.
TXT toparynyň agzalary örän meşhur sazandalardyr we olar “Z nesliniň ikonasy” hasaplanýar. TXT 2022-nji ýylda Çikagoda geçirilen Lollapalooza festiwalynda çykyş eden ilkinji k-pop topary boldy, 2023-nji ýylyň awgustynda bolsa bu festiwala ýolbaşçylyk etdi.
Galaxy senasyna bagyşlanan klipde 10-njy iýulda Pariždäki Galaxy Unpacked tanyşdyrylyşynda hödürlenen täze Samsung Galaxy Z Flip 6 smartfony görkezilýär.
