Dubaýda ýene bir innowasion mega-taslama durmuşa geçirilýär. Bu gezek gürrüň gaýtadan dikeldilýän energiýa çeşmelerinde hereket etjek dünýäniň iň uzyn “ýaşyl” awtoulag ýoly barada gidýär. Taslama Green Spine (“Ýaşyl örküç”) diýlip atlandyryldy.
Taslamanyň awtorlary şäheriň uglerod galyndylaryny mümkin boldugyça azaltmagy maksat edinýärler.
Ýollaryň ugrunda oturdylan Gün panelleri bilen işleýän elektrik tramwaýlar 64 km-e uzaýan ugur boýunça hereket eder.
Green Spine diňe bir ulag geçelgesine däl, eýsem, ekologiki oazise öwrüler: ýoluň uzaboýuna bir milliondan gowrak agaç ekmek, ýagyş suwlaryny ýygnaýjy ulgamy döretmek we seýilgähleridir bag-bakjaly ýerleri gurmak meýilleşdirilýär. Uly ýoluň ýakasynda ýerleşýän binalaryň öň taraplary dik dyrmaşyp ösýän baglar bilen bezeler.
Taslama öň Dubai Reefs, Dubaý Mangroves we The Loop ýaly, taslamalarda işlän URB tarapyndan durmuşa geçirilýär.
Green Spine-nyň gurluşygy 2040-njy ýyla çenli tamamlanar.
