14-nji iýulda Günde bäş sany güýçli alawlama boldy, olaryň biri iň soňky klasa degişli

  • 15.07.2024 15:04
  • 8.9k+
14-nji iýulda Günde bäş sany güýçli alawlama boldy, olaryň biri iň soňky klasa degişli

14-nji iýulda Günde dowamlylygy 29 minut bolan bäş sany güýçli alawlama, şol sanda Х1.3 klasa degişli alawlama bolup geçdi diýip, TASS agentligi habar berýär.

Amaly geofizika institutynyň maglumatlaryna görä, Х klasa degişli alawlama 07:34 (Aşgabat wagty bilen) 3738 tegmiller toparynda bolup geçdi.
14-nji iýula geçilýän gije M5.0, M2.7, M1.7 klasa degişli, ertesi irden bolsa – М3.0 klasa degişli alawlama hasaba alyndy.
Alawlamalar netijesinde Gün serpikmeleriniň Ýeriň ionosferasyna täsir derejesi bäş ballyk şkala boýunça R3 (güýçli) derejä ýetdi. Häzirki wagtda bu täsir nol derejä düşdi.
Gün alawlamalary rentgen şöhlesiniň güýji boýunça bäş klasa bölünýär: A, B, C, M we X. Alawlar, adatça, Ýere ýetende magnit tupanlaryny döredip biljek Gün plazmasynyň zyňyndylary bilen utgaşýar.

Mart aýynyň ahyrynda iki meteor akymyny synlamak bolar
22.03.2026 16:34
4k+

Mart aýynyň ahyrynda iki meteor akymyny synlamak bolar

2026-njy ýylyň mart aýynyň ahyrynda Ýeriň ýaşaýjylary iki meteor ýagşyny — Gamma Normidleri we Eta Wirginidleri synlap bilerler. Birinjisi 28-nji marta çenli, ikinjisi bolsa 25-nji marta çenli işjeň bolar. Aýyň ýagtylygynyň gowşaklygy sebäpli olary arkaýyn synlap bolar...

Gije bilen gündiziň deňleşen pursady: 20-nji martda Ýer ýaz paslyna «geçdi»
21.03.2026 11:26
5.4k+

Gije bilen gündiziň deňleşen pursady: 20-nji martda Ýer ýaz paslyna «geçdi»

20-nji martda Türkmenistanyň wagty bilen takmynan sagat 19:46-da Ýer şary üçin kän bir bildirmeýän, ýöne planeta üçin düýpli ähmiýeti bolan pursat — ýazky gije-gündiz deňleşmesi boldy. Bu wagtda Gün asman ekwatoryny kesip geçýär we gije bilen gündiz deňleşýär: takmynan, 12 sagat gündiz we şonça sagat hem gije...

Tebigat Ýer şarynyň badyny gowşadýar: gije-gündiziň dowamlylygy uzalýar
16.03.2026 16:46
8.1k+

Tebigat Ýer şarynyň badyny gowşadýar: gije-gündiziň dowamlylygy uzalýar

Howanyň üýtgemegi Ýeriň aýlanma tizligine täsir edýär we gije-gündiziň dowamlylygynyň artmagyna getirýär. Şeýle netijäni Wena uniwersitetiniň we Sýurih tehnologik institutynyň alymlary öňe sürýär. Olaryň berýän maglumatlaryna görä, häzirki wagtda gije-gündiz her ýüz ýylda, takmynan, 1,33 millisekunt uzalýar...

2026-njy ýylyň ýeke-täk doly Aý tutulmasy: «Ganly Aý» dürli künjeklerde nähili göründi?
05.03.2026 07:02
4.9k+

2026-njy ýylyň ýeke-täk doly Aý tutulmasy: «Ganly Aý» dürli künjeklerde nähili göründi?

3-nji martda 2026-njy ýylyň ýeke-täk doly Aý tutulmasy boldy. Bu tebigy hadysa wagtynda Aý goýy gyzyl reňke eýe bolýar, şol sebäpli hem oňa, adatça, «Ganly Aý» diýilýär. Fotosuratçylar dünýäniň dürli künjeklerinde bu täsin pursaty surata düşürdi...