Ýaponiýanyň Ýamagata prefekturasy adaty bolmadyk karar kabul etdi. South China Morning Post gazetiniň habar bermegine görä, häkimiýetler ýaşaýjylary günde azyndan bir gezek gülmäge çagyrýar.
Bu başlangyjy, gülki bilen saglygyň gowulaşmagynyň we ömrüň uzamagynyň arasyndaky baglanyşygy görkezýän barlagyň esasynda, Liberal-Demokratik partiýa teklip etdi.
Kanun raýatlary her gün gülmäge we iş berijileri bolsa “iş ýerlerinde gülki bilen gurşalan atmosferany döretmäge” çagyrýar. Her aýyň sekizinji güni “ýaşaýjylaryň gülmek arkaly saglyklaryny gowulaşdyrmaly” güni diýlip yglan edilýär.
Şeýle-de bolsa, bu karar köpçüligiň arasynda jedel döretdi. Ýaponiýanyň Kommunistik we konstitusion-demokratik partiýalary kanunyň, esasanam, ýarawsyzlyk sebäpli gülki ýadyna düşmeýän adamlaryň erkinligine we hukuklaryna zyýan ýetirýändigi barada alada bildirdi.
Kararyň awtorlary muňa jogap hökmünde resminamanyň "adamyň şahsy islegine hormat goýýandygyny" belläp, kanun adamlary gülmäge mejbur etmeýär we munuň üçin hiç hili jerimäni göz öňünde tutmaýar diýip belleýärler.
