Hindi bazaryna çykan Hyundai Exter arzan bahaly krossoweriniň özboluşly "Knight" görnüşi peýda boldy. Modeliň tapawutly aýratynlygy daşky görnüşindedir: hrom elementleri garaňkyradylan elementler bilen çalşyryldy.
Bampere goýlan urnatlar, ýazgylar we Exter Knight teker diskleri gara reňkde boldy. Şeýle-de bolsa, alyjylara gara reňkden daşgary, ak, çal we goňras ýaşyl kuzowly görnüşleri hem elýeterlidir. Daşky we içki reňk gammasyna gyzyl öwüşginler garylýar.
Exter Knight-yň enjamlary premium modellerden pes däl: tutuş LED optika, alty sany howpsuzlyk ýassygy, üçegi gapakly, 8 dýuýmlyk ekranly maglumat-güýmenje ulgamy we smartfon üçin simsiz zarýad beriji.
Exter Knight-yň kapotynyň aşagynda el bilen ýa-da awtomatiki geçiriş bilen jübütlenen 83 at güýji bolan benzin hereketlendirijisi bar.
Hyundai Exter 2023-nji ýyldan bäri öndürilýär. Bu hindi bazary üçin döredilen, Baýon modeline esaslanýan ykjam krossowerdir. Ol Hyunda-Kia K1 platformasyna esaslanýar. Model diňe öň tigri hereketli görnüşde elýeterlidir.
Iň ýokary konfigurasiýadaky Hyundai Exter Knight -yň bahasy 12 müň dollar.
