Ýarym ýeňil we ýeňil agram derejelerinde UFC-niň öňki çempiony Konor Makgregor 2024-nji ýylyň ahyryna çenli UFC-de söweş geçirjekdigini tassyklady. Bu barada ol X sosial ulgamynda habar berdi.
Makgregoryň aýtmagyna görä, ol UFC-niň prezidenti Dana Uaýt bilen gepleşik geçirdi we olar söweşiň täze senesi barada ylalaşyga geldiler.
36 ýaşly irlandiýaly iýun aýynyň ahyrynda amerikaly Maýkl Çendler bilen duşuşmalydy, ýöne şikes aldy. Makgregoryň soňky söweşi 2021-nji ýylyň iýul aýynda boldy, şonda Dastin Porýe bilen söweşde aýagy döwüldi.
MMA-daky karýerasynda Makgregor 28 söweşe gatnaşyp, 22 ýeňiş gazandy. Ol bir wagtda dürli agram derejelerinde iki titula eýeçilik eden ilkinji UFC söweşijisi boldy.
