Futbol boýunça Türkmenistanyň Kubogy – 2024 ýaryşynyň bijeleri çekildi

  • 14.07.2024 16:04
  • 17k+

Aşgabatda futbol boýunça Türkmenistanyň Kubogy ugrundaky 33-nji bäsleşigiň bije atyşlygy geçirildi. Bu gezekki bäsleşige Ýokary liga wekilçilik edýän toparlaryň 9-sy gatnaşar. Bu barada Türkmenistanyň Futbol federasiýasynda habar berdiler.

Olaryň üçüsi – «Altyn asyr», «Aşgabat» we «Köpetdag» toparlary paýtagtymyza, «Nebitçi» topary Balkanabada, «Şagadam» topary Türkmenbaşa – Balkan welaýatyna, «Merw» we «Energetik» toparlary Mary welaýatyna, «Ahal» topary adybir welaýata, Türkmenistanyň häzirki çempiony we kubogynyň eýesi «Arkadag» topary bolsa döwlet ähmiýetli adybir şähere degişlidir.
Bije atyşlyk Mary welaýatynyň «Energetik» toparyny, Balkanabadyň «Nebitçi» toparyny we «Aşgabat» toparyny ýurdumyzyň iň gowy topary bolan «Arkadag» topary bilen ýaryşyň başynda goýdy.
Futbol boýunça Türkmenistanyň Kubogy – 2024 ýaryşy 11-nji awgustda deslapky tapgyr bilen başlar, bu ýaryşda geçen ýylky milli çempionatyň iň pes oýnan iki topary «Merw» (Mary) we «Şagadam» (Türkmenbaşy) toparlary duşuşarlar. Bu garşydaşlaryň ilkinji duşuşygy 11-nji awgustda Mary welaýatynda, jogap oýunlary bolsa 14-nji awgustda Türkmenbaşyda geçer. Bu ýaryşyň ýeňijisi çärýek finalda «Altyn asyr» topary bilen duşuşar.
Galan çärýek final oýunlarynda şu toparlar duşuşarlar: «Arkadag» – «Energetik», «Nebitçi» – «Aşgabat», «Ahal» – «Köpetdag». Türkmenistanyň Kubogy ugrundaky bäsleşigiň çärýek finalynyň birinji duşuşyklary 24-25-nji awgustda sanawda ilkinji görkezilen toparlaryň meýdançalarynda, jogap oýunlary bolsa 2-3-nji sentýabrda geçiriler.
Türkmenistanyň Kubogy ugrundaky bäsleşigiň ýarym finalyň birinji duşuşyklary 12-13-nji sentýabrda geçiriler. Ýarym final we final duşuşyklarynyň senesi soň kesgitlener.


düýn 19:46
3.9k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7.8k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:57
4.8k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

28.11.2025 23:17
5k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...