Apple Vision Pro Bluetooth syçanjygynyň goldawyny we 3D surat funksiýasyny aldy

  • 14.07.2024 09:45
  • 1.9k+

Apple işläp düzüjiler üçin VisionOS 2-niň üçünji beta wersiýasyny çykardy we oňa birnäçe täze funksiýalary goşdy diýip, Gizmochina habar berýär.

VisionOS 2-niň 2D suraty emeli aň arkaly 3D geçirmek ukyby esasy täzelikdir. Bu funksiýa ulanyjylara suratlara çuňluk berip has täsirli ýatlamalary döretmäge mümkinçilik berer.
VisionOS 2 Beta 3 esasy görnüş we dolandyryş merkezi üçin täze el hereketlerini hem hödürleýär. Ulanyjylar indi Bluetooth syçanjygyny ulanyp, Vision Pro bilen aragatnaşyk saklap bilerler.
Mundan başga-da, bu wersiýada syýahat režimi täzelenme aldy. Mindfulness programmasy bolsa, indi has şahsylaşdyrylan we täsirli meditasiýa tejribesini döredip, demiňizi yzarlaýar.
Şeýle hem, VisionOS 2 ulanyjylara Vision Pro garniturasy bilen täsirleşmegi has aňsatlaşdyrjak görnüşi sazlamak we programmalaryň ýerini islege görä çalyşmak mümkinçiligini döredýär.


düýn 12:56
1k+

Xiaomi Apple-yň ýoluna eýerýär: kompaniýanyň indiki operasion ulgamynyň ady HyperOS 26 bolar

Geçen aýyň ahyrynda Bloomberg agentliginiň žurnalisti Mark Gurman Apple-yň operasion ulgamlaryna at beriş düzgünini üýtgetjekdigini aýdypdy. Indi bolsa, Hytaýyň Xiaomi kompaniýasynyň hem şeýle düzgüne geçmäge taýýarlanýandygy mälim boldy...

10.06.2025 15:18
1.1k+

Täze iOS 26, janly terjime we emeli aň. Apple WWDC 2025-de tanyşdyrylan ähli täzelikler

Apple kompaniýasynyň Kaliforniýa ştatynyň (ABŞ) Kupertino şäherindäki baş edarasynda her ýylky işläp düzüjileriň WWDC 2025 konferensiýasy öz işine başlady. Konferensiýa 13-nji iýunda, anna güni tamamlanar. Iň esasy täzelikler adaty bolşy ýaly, çäräniň başynda, amerikan tehnoägirdiniň ýolbaşçylarynyň çykyşlary bilen köpçülige ýetirildi...

10.06.2025 13:20
663

Apple kompaniýasy iOS 26-a jaňlary häzirki wagtda EA arkaly terjime etmek we Genmoji funksiýalaryny goşar

Apple kompaniýasy 2025-nji ýylyň WWDC konferensiýasynda täze önümleriniň birnäçesini, şol sanda iOS 26-ny tanyşdyrdy. Bloomberg agentliginiň analitigi Mark Gurmanyň maglumatlaryna görä, kompaniýa bu gezek esasan emeli aňly täze mümkinçiliklere üns berdi...

10.06.2025 12:18
729

WhatsApp iOS-da emeli aň esasly şahsy çat-botlary synag edýär

WhatsApp messenjeriniň işläp düzüjileri täze funksiýany – emeli aň esasynda şahsylaşdyrylan çat-botlary döretmek mümkinçiligini synag edip başladylar. Bu barada «WABetaInfo» portaly habar berýär. Täzelik iOS operasion ulgamynda işleýän enjamlara degişli...