Geçen ýylyň sentýabr aýynda ABŞ-da bolan geçen suw joşmasynyň netijesinde Ford-yň Mustang sport kupesi ýaly, köp sanly awtoulaglar suw astynda galdy. Kompaniýa bu awtoulaglary zibile ibermegiň ýerine, geljekki awtoulag mehaniklerini taýýarlamakda ulanmak üçin ussahanalara bermek kararyna geldi.
IXBT-iň habar bermegine görä, 2023-nji ýylyň sentýabr aýyndan başlap, Ford Mustang, F-150 we Lincoln Aviator ýaly, 300-den gowrak ulagy dürli ussahanalara iberdi. Awtoulaglar dikeltmek üçin niýetlenmän, abatlaýyş we anyklaýyş işlerini öwredýän amaly okuw sapaklarynda ulanylýar. Ugradylmazdan ozal Ford-yň söwda dellallary awtoulaglary bellibir derejede tertibe salýarlar: olary arassalap, guradýarlar. Resminamalar bu awtoulaglary gaýdyp satyp bolmaz ýaly edip taýýarlanýar.
Ford bu başlangyjyň ABŞ-da ökde awtoulag mehanikleriniň ýetmezçiligi bilen bagly meseläni çözmäge gönükdirilendigini nygtaýar.
Bu kompaniýa şeýle tejribä ýüzlenýän ýeke-täk kompaniýa däl. General Motors hem ol ýa-da başga sebäplere görä satyp bolmajak 250-den gowrak täze ulagy sowgat etdi, Stellantis bolsa her ýyl yzyna satyn alnan ýüzlerçe ulagy tehniki we jemgyýetçilik kollejlerine kärendesine berýär. Şular ýaly başlangyçlar arkaly talyplar awtoulag pudagynda üstünlikli işe ýerleşmek mümkinçiligini ýokarlandyryp, häzirki zaman ulaglarynda amaly tälim alýarlar.
