Xiaomi kompaniýasy 9-njy iýulda täze enjamlaryň tanyşdyrylyş dabarasyny geçirjekdigini mälim etdi. Täze önümleriň arasynda Redmi Buds 5C simsiz gulaklyklar we kuwwaty 10 000 mAs bolan iki sany Power Bank – simsiz zarýadnik bardyr.
Redmi Buds 5C-de “iň oňat artykmaç sesleri ýatyrmak tehnologiýasy” we zarýad almazdan uzak wagtlap işlemek funksiýasy bar. Gulaklyklar ak, gök we gara reňklerde elýeterlidir.
Gulaklyklardan başga-da, dabarada Xiaomi Pocket Power Bank we Power Bank 4i simsiz zarýadnikleri hödürlener. Olaryň kuwwatlylygy 10 000 mAs we ikisi hem 22.5W çalt zarýady goldaýar. Pocket Power Bank-da özüne gurnalan USB-C simi bardyr, Power Bank 4i bolsa has inçe dizaýna eýe bolup, onda iki USB-C porty bardyr.
Täze gadjetleriň tanyşdyrylyş dabarasy Hindistanda geçiriler. Olaryň dünýa bazarlaryndaky elýeterliligi we bahalary entek aýan edilmedi.
