Grinwiç patyşalyk obserwatoriýasy "Astronomy Photographer of the Year Awards 2024" bäsleşiginiň gysga sanawyny yglan etdi. Oňa 11 ýurtdan iň gowy astrosuratçylar girdi. Suratlarda kosmosyň dürli obýektleri: asman peýzažlary, galaktikalar, planetalar we hatda Günüň plazma üsti görkezilýär.
Bäsleşik birnäçe kategoriýada geçirilýär: “Polýar şapagy”, “Galaktikalar”, “Aýymyz”, “Günümiz”, “Adamlar we kosmos”, “Planetalar, kometalar we asteroidler”, “Asman peýzažlary”, “Ýyldyzlar we ýyldyzlar toplumy”, şeýle-de täze başlan hem-de ýaş fotosuratçylar üçin hem aýratyn bäsleşik bar.
Bäsleşigiň ýeňijisi 10 000 funt sterling alar we “Astronomiýa boýunça ýylyň suratçysy” diýen ada eýe bolar. Onuň suraty Londonyň Milli deňiz muzeýinde goýlar.
