“Ýüpek ýoly-2024” ralli ýaryşynda üç tapgyrdan soň ýolsuz ýerden ýöremäge ukyply awtoulaglaryň ýaryşynda Andreý Suşensowyň ýolbaşçylygyndaky S&A Racing topary öňde barýar. Ikinji orunda “Podmoskowýe” toparynyň wekili Anton Melnikowdan öňe geçen LADA Sport ROSNEFT Raid-den Mihail Mitýaýew bar.
Ýaryşyň metbugat gullugynyň habar berşi ýaly, öňdebaryjylaryň yzyndan Türkmenistanyň Awtomobil sport federasiýasynyň üç ekipažy ýetip barýar.
Halkara ralli ýaryşy 5-nji iýulda Tomskda başlady we 11 gün dowam eder. Ýaryş ýoly Sibiriň we Altaýyň ýollaryndan geçip, Mongoliýanyň paýtagty Ulan-Batorda tamamlanýar. Ralliniň umumy uzynlygy 5 256,70 km bolup, şondan 2 993,24 km ýokary tizlikli ýerlerdir.
Şu ýyl ýaryşa marafon tapgyry-da gaýdyp geldi, onda gatnaşyjylar mehanikleriň kömegi bolmazdan ulag serişdelerine özbaşdak seretmeli bolarlar.
Ýatlap geçsek, geçen ýyl doganlar Merdan we Şöhrat Toýlyýewler Nissan Patrol ulaglarynda Türkmenistana kümüş baýrak getirdiler, “Ýüpek ýoly-2022” ralli-reýdde bolsa T2 kategoriýasynyň ýeňijileri boldular. Şol 2022-nji ýylda türkmen ýaryşa gatnaşyjylary bellenilen dissiplinada tutuş münberi eýelediler.
