Apple bu ýyl diňe iPad-i çykarmak bilen çäklenmegi meýilleşdirmeýän bolara çemeli. 2024-nji ýylyň ýazynda iPad Pro-nyň M4 çipi we iPad Air M2 prosessorlary bilen tanyşdyryş dabarasyndan soň, kompaniýa şu güýzde çykarmak üçin ýene iki sany planşet taýýarlaýar.
Apple Insider-iň berýän maglumatlaryna görä, sentýabr aýynda iPhone 16 we Apple Watch 10 (X) bilen bilelikde kompaniýa 10,9 dýuým ekranly iPad we 8,3 dýuým ekranly iPad mini-niň täzelenen modellerini hödürlär.
Üýtgeşmeler az bolar. Iki planşetde-de öňdäki kamera, täze iPad Air bilen Pro-daky ýaly, albom ugurly wideo jaňlaryň amatly bolmagy üçin giň tarapa geçer.
Täzelenmeler prosessorlara hem täsir eder, ýöne olarda M-çipler peýda bolmaz. Esasy iPad-de öň iPhone 14 Pro-da ulanylan A16 çipi alar, iPad mini bolsa iň soňky iPhone 15 Pro-da ulanylan A17 Pro çipiniň kesilen görnüşi bolan A17 çipi bilen üpjün ediler.
Planşetleriň dizaýny öňküligine galsa gerek, belki-de täze reňk görnüşleri peýda bolar. 10,9 dýuýmlyk iPad-iň bahasy 349 dollar, iPad mini-niňki 499 dollar bolup, bahalar öňküligine galar.
