Garyşyk başa-baş söweş sungatynyň irlandiýaly söweşijisi Konor Makgregor Horhe Maswidal bilen Neýt Diasyň arasynda geçirilen boks söweşinde 1,625 mln dollar utdy, ol Diasyň ýeňiş gazanmagyna bil baglap, 500 müň dollar goýdy.
“Men şu günki boks söweşinde Diasyň ýeňşi üçin $500 müň goýmak kararyna geldim. Aralygy saklamak bilen işlemegi, formasy, tejribesi, diňe ellerini ulanmagy – men Maswidalyň boks söweşinde Neýt üçin haýsydyr bir kynçylygy döretmegine ýekeje-de sebäp göremok. Olaryň ikisi-de söweşde birneme samsygrak, biderek zat bilen meşgullanýan ýaly görünýär, ýöne men Neýtiň muny AŇSAT edýändigini duýýaryn. $500 müň maňa $1,625 mln görnüşinde gaýdyp geldi” – diýip, Makgregor X sosial ulgamynda ýazdy.
Ýatlap geçsek, söweş 10 raund dowam etdi we emin agzalarynyň aglabasynyň karary netijesinde Neýt Diasyň ýeňiş gazanmagy bilen tamamlandy.
