Amerikaly işewür, SpaceX we Tesla kompaniýalarynyň esaslandyryjysy Ilon Mask Marsdaky ilkinji şäher üçin at teklip etdi. Bu barada RBK habar berýär.
Mask X (öň Twitter) ulanyjysynyň Marsdaky ilkinji şäherçäni näme diýip atlandyrjakdygy baradaky soragyna “Bar” diýip jogap berdi.
Iňlis dilinde “bar” sözüniň birbada birnäçe manysy bar. Ol “böwedi” ýa-da “päsgelçiligi” aňladyp biler. Maskyň hut şu manyny göz öňünde tutýan bolmagy mümkin.
Şeýle-de, “bar” içgileriň, şol sanda alkogol içgileriniň satylýan ýerini aňladyp biler, bu ýerde içmek hem bolýar. Ýene bir many – gaty gönüburç şekili berlen madda, mysal üçin, sabyn bölegi ýa-da şokolad plitkasy.
2020-nji ýylda Mask SpaceX-iň 2026-njy ýylda Marsa ilkinji ekipažly uçuşy amala aşyrjakdygyna wada berdi. Ol Gyzyl planeta ilki 10 adam ibermegi, ahyrynda koloniýalaryň sanyny 80 müňe ýetirmegi meýilleşdirýär. 2050-nji ýyla çenli Mask Marsa 1 mln adam äkitmegi göz öňünde tutýar.
Mask 2024-nji ýylyň maý aýynda Marsda ilkinji şäheriň 20 ýyldan, siwilizasiýanyň bolsa 30 ýyldan peýda boljakdygyny çaklady.
