Fransiýanyň milli ýygyndysy penalti tapgyrynda Portugaliýany utup, Ýewropa çempionaty - 2024-üň çärýek finalyna çykdy. Duşuşyk Gamburgda geçdi.
Oýnuň esasy hem goşmaça wagtlary 0:0 hasabynda tamamlandy.
11 metrlik urgular boýunça fransuzlar ýeňiş gazandy - 5:3. Portugaliýadan Žoau Feliksiň depen urgusy derwezäniň sütünine degip gaýtdy. Ronaldu öz urgusyny dürs ýerine ýetirdi.
Fransiýa şu gezekki Ýewropa çempionatynyň barşynda oýnuň barşynda ýeke gol hem geçirmedi - ýeke-täk goly Kilian Mbappe penaltiden geçirdi. Ýene iki goly garşydaş topar öz derwezesine geçirdi.
Ýarym finalda 9-njy iýulda Fransiýa Ispaniýa bilen duşuşar. Ispaniýa, öz gezeginde, ýaryşyň ýer eýeleri bolan Germaniýany utdy (2:1, goşmaça wagtda). Duşuşyk Mýunhende geçiriler.
Şu gün Ýewro-2024-üň galan 1/4 final duşuşyklary geçiriler. Angliýa Şweýsariýa bilen, Niderlandlar bolsa Türkiýe bilen duşuşar.
Ronaldu Ýewropa çempionatlarynyň dowamynda 30-njy duşuşygyny geçirip, öz rekordyny täzeledi. Bu görkeziji babatda ikinji ýerde onuň watandaşy Pepe ýerleşýär (23).
