Bitkoiniň bahasy iň ýokary derejesine barandan soň, 30% töweregi pese gaçdy. Bybit portalynyň berýän maglumatlaryna görä, birki günüň içinde esasy kriptowalýuta 64 000 dollar bolanlygyndan, takmynan, 53 000 dollara çenli pese gaçdy we bu ýagdaýyň haçan soňlanjagy heniz belli däl diýip, IXBT belleýär.
Şu ýylyň mart aýynda bitkoiniň taryhda iň ýokary derejä – 74 000 dollara ýetendigini ýatladýarys, ýöne aprel aýyndaky halwingden soň bu nyrh peselip başlady. Hünärmenler ösüş başlamazdan ozal bolup biljek düzediş barada duýduryş berdiler, ýöne pese düşüşiň depgini garaşylmadyk derejelere ýetdi.
Bitkoiniň çökmeginiň sebäpleriniň içinde bir wagtlar onuň iň uly söwda platformasy bolan Mt Gox-dan karz edaralaryna tölegler berilmegini, şeýle hem Silk Road derňewiniň çäginde nemes hökümeti tarapyndan döwlet haýryna geçirilen teňňeleriň gündelik satuwyny agzap bolar.
Käbir seljerijiler bu nyrhyň ýene 20 000 dollara çenli peseljekdigini we "aýy bazarynyň" başlanjakdygyny çaklaýarlar.
"Aýy bazary" - bu bazarda bahanyň birnäçe hepdeden başlap, köp ýyla çenli dowam edip biljek peselişi başdan geçirýän ýagdaýydyr.
