Beýik Britaniýanyň ählumumy saýlawlarynda Leýborisler partiýasy parlamentde sesleriň aglaba köplügini alyp, ynamly ýeňiş gazandy. Häzirki premýer-ministr Rişi Sunak Konserwatiw partiýanyň (tori) ýeňlendigini boýun alyp, tiz wagtdan wezipeden çekiljekdigini aýtdy.
Britaniýa hökümetiniň täze başlygy leýboristleriň lideri Kir Starmer bolar diýip, BBC ýazýar.
Ses berişligiň netijesine görä, leýboristler 650 orunlyk parlamentde 410 orun aldylar, bu bolsa soňky ýyllarda partiýa üçin iň gowy netijedir. Soňky gezek Leýboristik partiýa Beýik Britaniýanyň saýlawlarynda 2005-nji ýylda ýeňiş gazanypdy.
Soňky 14 ýyl ýurda ýolbaşçylyk eden Konserwatiw partiýanyň, saýlawlaryň jemi boýunça, parlamentde 119 orny bar (öňki 365-iň deregine). Bu toriniň iki asyrlyk taryhynda iň ýaramaz görkezijidir.
Liberal-demokratlar 71 orun aldy.
Bu Beýik Britaniýa Ýewropa Bileleşiginden çykandan soň, ýurtda geçirilen ilkinji ählumumy saýlawlardyr.
Sunak Britaniýanyň halkynyň “aýňaldyjy karary” çykarandygyny we partiýadaşlaryň ýeňilmegine jogapkärçiligi öz üstüne alandygyny aýtdy. Leýboristleriň lideri Kir Starmer, öz gezeginde, saýlawçylaryň “öz pikirini aýdandyklaryny we özgerişlere taýýardyklaryny” belledi.
