T Coronae Borealis, şeýle-de T CrB ýa-da "Lowlap ýanýan ýyldyz" ady bilen tanalýan ýyldyz partlamagyň öň ýanynda dur. Partlamanyň örän güýçli boljakdygy we Ýerden adaty göz bilen seredeňde hem görünjekdigi bellendi.
Demirgazyk ýarym şarda islendik adamyň rekurrent täze diýilýän bu seýrek astronomiki hadysany synlamaga bir hepde wagty bolar. Beýle hadysa, köplenç, 79-80 ýyldan bir gezek gaýtalanýar.
Partlama şu tomus görünmeli.
T CrB-i ilkinji gezek 1217-nji ýylda asman giňişliginde nemes abbatlygynyň baştutany Abbott Burhard gördi. Ol öz ýazgylarynda “biraz wagt ýalbyrap ýagty saçan tutuksy ýyldyzy” agzaýar. Şondan soň adamzat ony ýene iki gezek resminamalaşdyrdy, onuň iň soňkusy 1946-njy ýylda bellik edildi. 2023-nji ýylyň mart aýynda astronomlar şowsuz çaklamany hasaba alyp, partlamanyň golaýdygyny görkezipdiler.
Alymlar T CrB-iň gaýtalanýan täzäniň mysalydygyny we bu wakany adamyň öz ömründe synlamaga mümkinçiliginiň bolmagy seýrek şowlulykdygyny bellediler.
Asmandan T CrB-ni tapmak üçin, ýagty Wega we Arktur ýyldyzlarynyň arasyndan Gerkules ýyldyzlar toplumyny tapmaly. T CrB edil gapdalda, goňşulykda U şekilli egrelip duran “Demirgazyk täç” ýyldyzlar toplumynda ýerleşýär. Olary ýyldyzlar toplumlarynyň onlaýn kartasy bolan ýörite smartfon programmalaryny ulanyp, aňsatlyk bilen tapyp bolar.
