Reddit güýmenje portalynda täze optiki illýuziýa ýaýrady. Suratda agaç tagtasynda duran pyrtykallar görkezilýär, göräýmäge suratda üýtgeşik zat ýok. Emma suratyň awtory - MaxChromaColor atly ulanyjy, suratyň mämişi we goňur reňkleri ulanylmazdan döredilendigini düşündirdi.
Muňa derek, awtor mämişi illýuziýany döredýän gök we çal reňklerini ulanypdyr. Ulanyjylar surat redaktorlarynda suraty barladylar we hakykatdanam adamyň gözüniň görýän reňkleriniň ýokdugyna göz ýetirdiler.
Teswirlerde ulanyjylar gyzykly bir hakykaty ýada saldylar. Portugal täjirçileri Aziýadan apelsin agaçlaryny getirmezden ozal Ýewropa halklarynyň mämişi reňki üçin XVI asyra çenli hiçhili kesgitlemesi ýokdy. "Orage" (mämişi) ady miwäniň hormatyna berlipdi we bu sözüň özi sanskrit “नारङ्ग” (nāraṅga) dilinden alnan pars “ نارنگ” (nārang) dilinden alnypdyr. Bu bolsa drawid dillerindäki ajy pyrtykalyň adyndan gelip çykýar - നാരങ്ങ (nārañja). Köp türki dillerinde bolşy ýaly, türkmen dilinde hem “narynç” sözüniň ulanylýandygyny belläp geçeliň.
“Orange” sözünden öň, iňlis dilinde gürleýän halklar mämişi reňk hakda aýdylanda “sary-gyzyl” diýmegi aňladýan “geoluhread” sözüni ulanýardylar.
