Samsung bäş reňkde: gara, çal, açyk gök, açyk ýaşyl we sary reňklerde boljak arzan bahaly flagman Galaxy S24 FE-ni çykarmaga taýynlanýar diýip, Gizmochina habar berýär.
Ozal internetde smartfonyň açyk ýaşyl reňkli suratlary peýda bolupdy. Täze önümiň inçe çarçuwaly 6,65 dýuýmly ekran almagyna garaşylýar.
Öňki modellerden tapawutlylykda, Galaxy S24 FE Snapdragon prosessory däl-de, Exynos 2400 prosessory bilen üpjün ediler.
Smartfon Android 14-de işläp, 12 Gb operatiw ýada eýe bolar.
Galaxy S24 FE-niň esasy kamerasy 50 MP durulykda bolar, şeýle hem 12 MP ultra giň kamerasy we 3x optiki ýakynlaşdyrmaly 8/10 MP tele-foto kamerasy bolar.
Galaxy S24 FE-niň çykaryljak senesi entek yglan edilmedi, ýöne şu ýylyň ahyrynda ýa-da indiki ýylyň başynda onuň satuwda peýda bolmagyna garaşylýar.
