5-nji iýulda Amerikanyň Kubogy – 2024-üň birinji dörtden bir final oýny geçirildi we onda Argentinanyň milli ýygyndysy bilen Ekwadoryň milli ýygyndysy duşuşdy. “En-Er-Ji Stedium” stadionynda geçirilen duşuşyk esasy wagtda deňme-deň – 1:1 hasabynda tamamlandy.
Argentinaly goragçy Lisandro Martines duşuşygyň 35-nji minutynda hasaby açdy. 62-nji minutda ekwadoriýalylar Argentinanyň derwezesine penaltini geçirip bilmediler, top Enner Walensiýanyň urgusyndan soň ştanga degdi, ýöne ekwadoriýalylar oýna kompensirlenen wagtda hasaby deňlemegi başardylar. Hüjümçi Kewin Rodriges tapawutlandy (91+1).
Amerikanyň Kubogy – 2024-üň düzgüni bu tapgyrda goşmaça wagty (owertaým) göz öňünde tutmaýar. Oýundan soňky penalti tapgyrynda argentinalylar güýçli boldy – 4:2. Ýöne Lionel Messi gol girizip bilmedi, argentinaly derwezeban Emiliano Martines ekwadoriýalylaryň iki urgusyny yzyna gaýtarmagy başardy.
Argentina ýarym finalda Wenesuela – Kanada jübütiniň ýeňijisi bilen oýnar. Bu toparlaryň arasyndaky oýun ertir irden, 6-njy iýulda (Aşgabat wagty bilen 06:00-da) bolar.
